WEMA,DIMPOZ SIYO SIRI TENA Dimpoz alianza Wema tangu akiwa na Diamond,lakini kwa siri Wema asema nimeamua niacheni na maisha yangu

Wema Sepetu akiwa kwenye pozi la mahaba na Ommy Dimpoz.

HABARI inayotamba mjini kwa sasa ni uhusiano mpya wa Madame wa Endless Fame Wema Sepetu na Mmbongo Fleva Omar Nyembo ‘Ommy Dimpoz’, uliozuka kwa kasi kuanzia mwishoni mwa wiki iliyopita huku penzi lao likijionyesha zahiri kuwa hakuna siri tena.

Chanzo cha habari hii kilieleza kuwa

Wema na Ommy Dimpoz wamekuwa wapenzi siku nyingi isipokuwa kulikuwa na siri ya ndani sana jambo ambalo hata sasa wanaendelea kulifanya kama siri ili Dimpoz asije kutofautiana na ndugu yake Diamond, ila ukweli ni kwamba safari yao ya South imewafanya kujiachia kiasi cha kuvujisha hadi picha zao wakiwa kitandani na hiyo mimi naweza kusema ni danganya toto tu wanayoifanya kwetu na wengine waone kama maigizo.

Ukweli wa mambo unaeleza kwamba ukaribu wao ni dalili za wazi kuwa mastaa hao wana banjuka tena bila kificho, maana juzi kati picha zilizodhihilisha ishu hiyo zilitapakaa wakiwa kwenye kitanda kimoja, na wengi wasiojua ukweli watasema ni maigizo, ila wajuzi wa mambo wametonya kwamba Dimpoz amekuwa akitoka na Wema kitambo tangu ile mara ya kwanza ambapo Wema aliachana na Daiamond.

Tanzania One, baada ya kutonywa ishu hiyo bila kulemba lililazimika kumtafuta Ommy Dimpoz ili aweze kujibu tuhuma hizo, alipopatikana bila kupiga kona alisema kweli yupo na Wema muda mrefu na hasa ni watu wanao shibana kupita maelezo ingawa watu wengi huwa hawajui kilichopo kati yao.

“Mimi na Wema ni damu damu kitambo kingi sana, so ukiniuliza kuhusu kulala naye kitanda kimoja pia ntakwambia umechelewa kujua maana sijaanza leo, hata kusafiri naye si mara ya kwanza so unachoona ni juu yako kutafuta majibu, ila hii ni zamu yangu acha nitimize ndoto zangu za siku nyingi, na wanaosema acha waseme wao mimi maisha yasonge na waniache project yangu iendelee,” alisema Ommy Dimpoz.

Kwa uapande wa Wema baada ya kufikishiwa madai ya kubanjuka na kuonekana picha wakiwa bed moja na mbongo fleva huyo, alisema kuwa haoni kipya kinachoulizwa hapo maana kila mtu ana jicho lake na namna ya kutafakali na kuweza kufafanua jinsi aonavyo, pia kuna usemi hua unasema kwamba, hujui kusoma hata picha kuangalia? Naomba niachwe na mambo yangu mwenyewe maana kila kitu naamua mwenyewe vilevile nafanya kwaajiri yangu na si mtu mwingine.