YANGA YAPENYEZEWA UCHAWI WA BDF XI...SOMA ALICHOKISEMA PLUIJM

Sikilizeni ndugu.... Kocha wa Yanga, Pluijm (wa pili kutoka kulia) akiwa na jopo la benchi zima la ufundi la kikosi chake. Kutoka kulia, kocha wa makipa, Juma Pondamali, daktari, Juma Sufiani (wa kwanza kulia kwake), meneja Hafidh Saleh na kocha mzaidizi Charles Master Mkwasa. 

Kocha wa Yanga, Hans van Pluijm amesema kuwa tayari amejua janja ya wapinzani wao, BDF XI ya Botswana, kuelekea mchezo wa kesho wa shirikisho Afrika ambapo amefunguka kuwa wanacheza soka la nguvu na la kukamia, huku akiongeza kuwa tayari anajua ni ‘mwarobaini’ gani utawafaa hapo kesho.

Akizungumza na blogu hii, jana kwenye mazoezi ya kikosi chake kwenye Uwanja a Taifa, Pluijm alisema amepata kila data na aina ya soka wanalocheza ambapo alisema anaamini katika mchezo wa kesho watakuwa ni watu wa kupaki basi ili wasubiri matokeo mazuri watakaporudiana wiki mbili baadaye.

“Nina habari zao nyingi sana, wanacheza soka la minguvu ‘physical’ wanakamia sana na ni wagumu ‘strong’ zaidi, lakini najua pia wamekuja kwa lengo la kucheza soka la kujilinda zaidi ili iwe rahisi katika mchezo wa marudiano.

“Hilo nimelitambua mapema na wiki nzima nimekuwa nikiwapa mbinu nyingi washambualiaji kuhakikisha wanafunga mabao mengi ili kujiweka katika mazingira mazuri katika mchezo wa marudiano,” alisema Pluijm.