MWISHO WA NYODO LEO TAIFA.... CHEKI MAZOEZI YA MWISHOMWISHO TIMU ZOTE

 Deogratius Munish 'Dida' anatadaiwa kuwa langoni leo, baada ya kumuachia lango Ally Mustafa 'Bartez' kwenye michezo ya ligi kuu hivi karibuni.

Walete hao Wamakonde wa Jeshi....Yanga katika tizi la mwishomwisho kwenye Uwanja wa Taifa.

Kikosi cha BDF XI kikiwa mazoezini jana kwenye Uwanja wa Karume, Ilala kikijiandaa na mchezo wa leo dhidi ya Yanga.

BDF

Yanga

Baada ya maneno mengi kuzungumzwa takribani wiki tatu zilizopita juu ya mchezo wa kimataifa wa Shirikisho Afrika baina ya Yanga na BDF XI, hatimaye mwisho wa tambo umefika, ikiwa leo ni siku ya kuona kile walichokuwa wakinadi Yanga na wapinzani wao.

Katika mkutano na waandishi wa habari jana, kuhusu mchezo huo, Kocha wa BDF Meja, Letang Kgengwenyang alionekana kuinanga Yanga kwa kusema kuwa anaifahamu kuwa ni timu ya soka la kujilinda zaidi ndiyo maana inapata mabao machache katika mechi zake, huku pia akitoa tahadhari kwa Yanga kuwa iwapo ‘watanengeneka’ na ‘home advantage’, wamekwisha!

Hakuna kuremba wewe...tuko fiti, Wazee wa kazi Yanga

Wakinengeneka tu! Wamekwisha..BDF wakiendelea na tizi la tahadhari kubwa.

“Hali ya hewa ya huku ina changamoto kubwa, kuna joto jingi, lakini pia tutapambana kuhakikisha tunaizoea. Wakati nacheza niliwahi kukutana na wachezaji wa Kitanzania na ninajua staili ya soka la hapa. Hata Yanga naijua japo sio sana, zamani ilikuwa ikicheza soka la kushambulia kwa nguvu na muda wote, tofauti na ya sasa-hii inacheza zaudi kujilinda,” alisema meja Letang.

Meja Letang.

Kocha wa Yanga, Hans van Der Pluijm alitoa tahadhari kwa wachezaji wake kutodharau timu yoyote katika michuano mikubwa kama hii, hivyo utakuwa ni mwendo wa kushambulia kama nyuki ili kujiweka katika mazingira mazuri.

“Si mechi ya kubeza, tunatambua kuwa tunaingia uwanjani kama wawakilishi wa taifa, hivyo ushindi wetu ni furaha kwa wote. Kwenye michuano  kama hii, hakuna timu ya kuidharau ni kusaka ushindi kwa nguvu zote. Cha msingi mashabiki wajitokeze kwa wingi kutupa sapoti,” alisema Pluijm.

Mchezo wa marudiano, utapigwa Februari 27 huko Gabrone, Botswana.