FILAMU YA JICHO LANGU SASA IKO MADUKANI.

Ile siku tuliyokuwa tukisuribi sana sasa imefika, hatimaye filamu ya JICHO LANGU imetoka siku ya leo. Sasa unaweza kujisogeza taratibu madukani kujipatia nakala yako. Usisubiri wenzako waangalie ndipo usimuliwe, wewe unatakiwa kuwa wa kwanza kuwasimulia wenzanko juu ya kile utakachokiona katika filamu hii ambayo Watanzania wengi na wana Afrika Mashariki  wamekuwa wakiisubiri kwa hamu sana.

Kama ulikuwa hujui, filamu hii imetengenezwa na kampuni ya J-FILM 4 LIFE  kwa viwango vya kimataifa, hasa ukiangalia color, sound na wahusika waliocheza katika filamu hii. Ujumbe uliomo hakika unafaa kabisa katika jamii yetu inayotuzunguka. Utaweza kumuona Odama akifanya yake katika filamu pamoja na wasanii wengi maarufu ambao umewasikia. Usipange kuikosa filamu hii maana imefunika mbaya.

SANDRA AONYA MASTAA WASAGAJI

MSANII wa filamu za Kibongo, Salma Salmini ‘Sandra’ amesema kinachowaponza mastaa wengi kutopenda kuingia kwenye ndoa ni kupenda vitendo vya usagaji na ushoga.

Msanii wa filamu za Kibongo, Salma Salmini ‘Sandra’

Akipiga stori na paparazi wetu, Sandra alisema vitendo hivyo vimekuwa vikishamiri siku hadi siku kwa mastaa hususan wa filamu kwa tabia ya kupenda kuiga nchi za jirani.

“Ushoga na usagaji ni janga kwa mastaa, matokeo yake wengine hata wakibahatika kuingia katika ndoa wanashindwa kupata watoto kirahisi, hali inatisha, tubadilike,” alisema Sandra.

MENEJA MPYA WA JOHANNESBURG HOTEL AFANYIWA SHEREHE YA KUMKARIBISHA

MENEJA mpya wa Johannesburg Hotel, Edson Chita Nyondo, juzi usiku alifanyiwa hafla fupi katika hoteli hiyo iliyo maeneo ya Sinza-Mori, jijini Dar es Salaam, kumkaribisha katika kazi yake hiyo.

Meneja mpya Edson Chita Nyondo akiongea jambo katika hafla hiyo.

Mmoja wa waratibu wa hotel hiyo (kushoto), Zabron akiwa na meneja mpya.

Mmoja wa wafanyakazi wa hoteli hiyo akikata keki.

Meneja Nyondo huyo akilishwa keki na mmoja wa wafanyakazi wenzake.

Baadhi ya wafanyakazi wa hoteli hiyo wakiwa katika picha ya pamoja.

GLOBAL YAFANYA MAUAJI, YAICHAPA NSSF 6-1

TIMU ya Global Publishers Ltd leo imetoa dozi ya mabao 6-1 kwa timu ya NSSF katika mechi yao ya ufunguzi wa Michuano ya Kombe la NSSF iliyopigwa Uwanja wa TCC Chang'ombe, Temeke jijini Dar. Mabao ya Global yamewekwa kimiani na Musa Matora, Ally Mbetu, Christian Kimbe na Omar Hamis aliyetupia matatu 'hat trick'. Kwa matokeo hayo, Global wamesonga mbele katika michuano hiyo.

Mshambuliaji wa Global Publishers Ltd, Saleh Ally, akiwatoka mabeki wa timu ya NSSF.


Mtanange kati ya Global na NSSF ukiendelea.


Mshambuliaji wa NSSF akiambaa na mpira. Pembeni ni kiungo wa Global, Musa Matora, akijaribu kumzuia.


Kiungo mkabaji wa Global, Juma Ramadhan, akijiandaa kupiga mpira wa adhabu ndogo.


Patashika langoni mwa Global.


Salaeh Ally akiwania mpira na beki wa NSSF.


Kikosi cha Global wakati wa mapumziko.


Kikosi cha Global kabla ya mechi na NSSF.


NSSF wakiwasalimia wachezaji wa Global.


Timu za Global na NSSF kabla ya mtanange kuanza.


Kikosi cha Global kikipanga mikakati kabla ya mchezo.


Kikosi cha NSSF.


Mshambuliaji wa Global, Omar Hamis, aliyetupia mabao matatu 'hat trick' akikabidhiwa mpira wake na mwamuzi wa mchezo.

SHAMSA ATESWA NA GENEVIEVE

MUIGIZAJI wa Bongo Movies, Shamsa Ford amefunguka anaumia sana na mafanikio ya waigizaji wa Nigeria kama Genevieve kwani ndoto yake ni kufanya zaidi ya wao.


Mwigizaji wa Bongo Movies, Shamsa Ford.

Shamsha alifunguka hayo wiki iliyopita na kudai kila siku wasanii wa nyumbani wamekuwa wakishindwa kufika levo za mastaa hao kwa kutokuwa na mipango endelevu.

Staa wa filamu za kinigeria Genevieve Nnaji

“Nina ndoto kubwa sana kufikia levo za kimataifa, inaniuma kuwaona kina Genevieve natamani kufanya nao kazi, basi tu. Acha nijitume,” alisema Shamsa.