SOUD ALLI APOMBEKA MKUTANONI LIVE.

Soud Ali mwigizaji wa filamu na Vichekesho Swahiliwood.

KATIKA hali isiyo ya kawaida msanii mchekeshaji katika tasnia ya filamu Swahiliwood Soud Alli alifanya maajabu katika mkutano wa wasanii ulioandaliwa na TAFF, katika mkutano huo Soud Alli alitumia muda wote katika kunywa pombe hadi kulewa na kupiga kelele kila Mh. Rais alipokuwa akihutubia wasanii waliohudhuria mkutano huo.

Soud akiwa na chupa ya Bia yake katika mkutano wa TAFF.

Msanii huyo alisikika akijitapa kuwa yeye ana fedha nyingi ndio maana ameamua kupiga mitungi katika mkutano huo akiwa na bia mbili mbili akiendelea kunywa bia nyingi na kupiga kelele kuwa yupo na
Wema Sepetu kama mlinzi wake na anapokuwa kazini lazima anywe pombe.

“Siyo unakuja tu bila kuniomba mimi hapa huyu analindwa na mimi lakini lazima nipige mitungi kwa ajili ya kuwa mkakamavu siyo mchezo nakula raha bwana sitaki shida usalama upo kwa asilimia mia hapa bwana sogea huko sasa upigaji gani huo?,”anasema Soud.

Pamoja na kuendelea kunywa katika mkutano na kuendelea kupiga kelele kila mara huku Wema akiwa anacheka muda wote kutokana na vichekesho vya Soud alikuwa hana mbavu kwa muda wote kwani alikuwa karibu naye.